Ղազախստանում հրդեհի հետևանքով 12 մարդ է մահացել, այդ թվում՝ 9 երեխա

Ղազախստանի Ժետիսայի շրջանի Ալղաբաս գյուղում ողբերգական դեպք է տեղի ունեցել։ Երկհարկանի առանձնատանը բռնկված հրդեհի հետևանքով զոհվել է 12 մարդ, որոնցից 9-ը երեխաներ են։

Հրշեջ-փրկարարական աշխատանքների ընթացքում տնից անգիտակից վիճակում դուրս է բերվել երեք մարդ, որոնք անմիջապես հանձնվել են շտապօգնության բրիգադին։ Հրդեհի մարման աշխատանքների ժամանակ հայտնաբերվել է 12 մարդու դի։

Դեպքի կապակցությամբ Ղազախստանի նախագահ Կասիմ-Ժոմարտ Տոկաևը ցավակցությունն է հայտնել զոհվածների ընտանիքներին և հանձնարարել է կառավարությանն ու մարզի ղեկավարին՝ ցուցաբերել անհրաժեշտ օգնությունը տուժածների հարազատներին։