Գերմանիան դատապարտում է Թբիլիսիի հռետորաբանությունը

Մենք կտրականապես մերժում ենք «Վրացական երազանք»-ի ներկայացուցիչների կողմից Թբիլիսիում Գերմանիայի դեսպանի նկատմամբ շարունակվող ագրեսիվ հռետորաբանությունը և նրանց անհիմն օրակարգը: Այդ մասին հայտարարություն է տարածել Գերմանիայի արտգործնախարարությունը՝ ընդգծելով, որ դեսպանը ներկայացնում է Դաշնային կառավարության դիրքորոշումը և գործում է Վիեննայի կոնվենցիային լիովին համապատասխան:

Հիշեցնենք, որ Վրաստանի արտաքին գործերի նախարարություն էր կանչվել Գերմանիայի դեսպան Պետեր Ֆիշերը, ավելի ուշ՝ նաև Վրաստանում Մեծ Բրիտանիայի դեսպան Գարեթ Ուորդը։ Նրանց փաստացի մեղադրել են երկրի ներքին գործերին միջամտելու մեջ։