Վրաստանը ողջունում է հայ-ադրբեջանական պայմանավորվածությունները. Կվրիվիշվիլի

Վրաստանի էկոնոմիկայի և կայուն զարգացման նախարար Կվրիվիշվիլին հանդիպել է Վրաստանում ԱՄՆ-ի դեսպանի պաշտոնակատար Փերսելի հետ:

Քննարկվել են երկու երկրների միջև համագործակցության առաջնահերթ ուղղությունները, ներառյալ երկկողմ առևտուրը, ներդրումները և տրանսպորտը:

Այդ համատեքստում անդրադարձ է եղել նաև Հայաստան-Ադրբեջան հարաբերություններին։ Բացի այդ, վրացի նախարարը հայտարարել է, որ Բաքվի և Երևանի միջև Վաշինգտոնում ձեռք բերված արդյունքները կարևոր քայլ են Հարավային Կովկասում խաղաղության և անվտանգության պահպանման համար, ինչպես նաև նոր հնարավորություններ են բացում տարածաշրջանի զարգացման համար: