Ակոպովա-Ռախմանին զույգը կներկայացնի Հայաստանը Ձմեռային օլիմպիական խաղերին

Պեկինում կայացած ISU To Milano օլիմպիական ընտրական մրցաշարում Կարինա Ակոպովա-Նիկիտա Ռախմանին զույգը նվաճել է արծաթե մեդալ և ապահովել Հայաստանի մասնակցությունը 2026-ին Միլանում կայանալիք Ձմեռային օլիմպիական խաղերին։ Այս մասին հայտնում է Sportaran-ը։

Պատմության մեջ սա Հայաստանի առաջին մասնակցությունն է Օլիմպիական խաղերում զույգային գեղասահքին։

Ընտրական փուլի կարճ և ազատ ծրագրերի արդյունքում Կարինա Ակոպովա–Նիկիտա Ռախմանին զույգը 186,84 միավոր է վաստակել և զբաղեցրել երկրորդ հորիզոնականը։ Ընտրական մրցաշարի կանոնների համաձայն՝ օլիմպիական խաղերի ընտրական փուլն անցնում են որակավորման մրցումներում առաջին երեք տեղերը զբաղեցրած զույգերը:

Նշենք, որ Ակոպովան և Ռախմանինը նախկինում հանդես են եկել Ռուսաստանի հավաքականում, սակայն 2025-ի ամռանը փոխել են սպորտային քաղաքացիությունը և այժմ ներկայացնում են Հայաստանը։

Կարդացեք նաև՝