Հարցվածների 59%-ը դեմ է Սյունիքի ճանապարհին՝ ըստ Gallup-ի հարցումների

Հարցին՝ «Ինչպե՞ս եք գնահատում Սյունիքով ճանապարհի տրամադրելը», քաղաքացիների 4%-ը պատասխանել է՝ «լիովին դրական», 18․1%-ը՝ «ավելի շուտ դրական», 11․3%-ը՝ «ավելի շուտ բացասական», իսկ 47․6%-ը՝ «ընդհանրապես բացասական», 5․6%-ը դժվարացել է պատասխանել։

Վերջին հարցման արդյունքները ներկայացրել է «Գելափի» հայաստանյան գրասենյակի տնօրեն Արման Նավասարդյանը։

Ըստ բանախոսի՝ հարցվածների գրեթե 55%-ը չի հավատում, որ Վաշինգտոնյան համաձայնագիրը կնպաստի երկարաժամկետ խաղաղության հաստատմանը տարածաշրջանում։

Հերթական հարցման մեջ նաև ՀՀ Սահմանադրությանը վերաբերող հարցեր են ներառել։ 12․2%-ը նշել է, որ Սահմանադրության փոփոխությանը կողմ կքվեարկի, եթե դա բերի իրական և երկարաժամկետ խաղաղության Հայաստանի և Ադրբեջանի միջև։

Ըստ կազմակերպիչների, հարցումն անցկացվել է հեռախոսազանգի միջոցով 1 101 քաղաքացու ընդգրկմամբ: