Մեկնարկել են Հիսուս Քրիստոսի արձանի տեղադրման աշխատանքները

Մեկնարկել և առաջիկայում լայն թափով ընթանալու են Հիսուս Քրիստոսի արձանի տեղադրման աշխատանքները։ Այդ մասին ֆեյսբուքի իր էջում գրառում է արել Գագիկ Ծառուկյանը։

Հիշեցրել է, որ արձանի կառուցման, տեղադրման հետ կապված բոլոր ծախսերն իր ընտանիքն է հոգում։ Նորությունն այն է, որ բոլոր ցանկացողներին հրավիրում է որևէ կերպ մասնակցել տեղում իրականացվող աշխատանքներին։

«Մեր բոլորի ջանքերով՝ Քրիստոսի արձանը վեր է խոյանալու։ Այն դառնալու է Ազգային վերածննդի, ներքին համերաշխության, աշխարհին ներկայանալու խորհրդանիշ»,- գրել է Ծառուկյանը։