Ֆրանսիան և Գերմանիան ստեղծում են հրթիռային հարձակման մասին զգուշացնող համակարգ

Ֆրանսիան և Գերմանիան պլանավորում են ստեղծել համաեվրոպական հրթիռային հարձակումների վաղ նախազգուշացման JEWEL համակարգ։

Այս նախաձեռնությունը ձևակերպելու համար երկրները պատրաստում են փոխըմբռնման հուշագիր։ Այս մասին հայտնում է Hartpunkt պարբերականը՝ հղում անելով Ֆրանս-գերմանական պաշտպանության և անվտանգության խորհրդի որոշմանը։

Հաղորդվում է, որ JEWEL («Մարգարիտ») անվանումով այս նախաձեռնությունը, որը բաց է այլ երկրների միանալու համար, ներառում է փոխըմբռնման հուշագրի պատրաստում։

Նախագիծը նախատեսում է օգտագործել ODIN'S EYE ծրագրի ինֆրակարմիր սենսորներ (ֆինանսավորվում է Եվրոպական պաշտպանության հիմնադրամի կողմից)՝ տիեզերքում թշնամու հրթիռները հայտնաբերելու համար, ինչպես նաև առկա ցամաքային ռադարների ցանց։

Նշվում է, որ Փարիզում այս համակարգը դիտարկվում է որպես հնարավորություն՝ միջուկային զենքով հարձակման սպառնալիքի մասին ժամանակին տեղեկացնելու և հակաքայլեր ձեռնարկելու համար։

Նման վաղ նախազգուշացման համակարգեր ունեն միայն ԱՄՆ-ը, Չինաստանը և Ռուսաստանը։ Ենթադրվում է, որ JEWEL ծրագրի առաջընթացը սերտորեն կախված է եվրոպական ODIN'S EYE ծրագրի զարգացումից։

JEWEL համակարգը գործում է «կրկնակի վերահսկողության» սկզբունքով՝ տիեզերք + ցամաքային միջոցներ.

Տիեզերական էշելոն (ODIN’S EYE)

🔴 Ուղեծրում տեղակայվում են ինֆրակարմիր սենսորներով արբանյակներ։

🔴 Այս սենսորները կարող են ֆիքսել ջերմային հետքը հրթիռի մեկնարկից անմիջապես հետո. շարժիչի բոցը տեսանելի է ինֆրակարմիր տիրույթում նույնիսկ տիեզերքում։

🔴 Արբանյակները արագ նախազգուշացում են տալիս՝ ֆիքսելով մեկնարկի փաստը։

Ցամաքային էշելոն (ռադարային ուղեկցում)

🔴 Մեկնարկի հաստատումից հետո ցամաքային ռադարները սկսում են հետևել հրթիռին։

🔴 Նրանք ճշտում են թռիչքի հետագիծը, արագությունը և ուղղությունը։

🔴 Սա թույլ է տալիս հաշվարկել հնարավոր թիրախը և թռիչքի ժամանակը։

Միավորված կառավարման համակարգ

🔴 Արբանյակների և ռադարների տվյալները ինտեգրվում են Ֆրանսիայի և Գերմանիայի մշակման կենտրոններում։

🔴 Օգտագործվում են ալգորիթմներ՝ կեղծ ահազանգերը արագ բացառելու համար։

🔴 Արդյունքում հրամանատարությունը ստանում է հավաստի և ժամանակին նախազգուշացում հրթիռային հարձակման մասին։

Ըստ էության, JEWEL-ը կդառնա ամերիկյան վաղ նախազգուշացման համակարգերի (օրինակ՝ SBIRS) եվրոպական անալոգը, սակայն շեշտը դրված է ԵՄ պաշտպանության ոլորտում ինքնավարության վրա։