Ֆինլանդիան պատրաստվում է ՌԴ-ի հնարավոր ներխուժմանը

Ֆինլանդիան ակտիվորեն պատրաստում է իր զինված ուժերին Ռուսաստանի հետ հյուսիսային սահմանին հնարավոր ներխուժմանը դիմակայելու համար։ Այս մասին գրում է բրիտանական The Times-ը։

Ըստ հրապարակման՝ ֆինն սահմանապահները և մոտ 150 ժամկետային զինծառայողներ անցնում են խստագույն մարզումներ, որոնք ներառում են պարապմունքներ սաստիկ ցրտի պայմաններում, արագ երթեր, ուղղաթիռից թռիչքներ և նույնիսկ գիշերակաց -40°C ջերմաստիճանում։

Պարբերականը նշում է, որ Ֆինլանդիայում սահմանապահ ծառայությունը սերտորեն ինտեգրված է բանակի հետ։

Արտակարգ իրավիճակի դեպքում սահմանապահներին հասանելի են դառնում ծանր սպառազինություն և ականների պաշարներ։ Բացի այդ, երկիրն ունի շուրջ 900 հազար հոգանոց տպավորիչ պահեստազոր, որը պատրաստ է անհրաժեշտության դեպքում ներգրավվել երկրի պաշտպանության գործում։