Ֆիլիպիններում թայֆունի զոհերի թիվը գերազանցել է 100-ը

5 ՆՈՅ 2025 12:01

Ֆիլիպիններում «Կալմաեգի» թայֆունի զոհերի թիվը գերազանցել է 100-ը։ Զոհերի թվում նաև ռազմական ուղղաթիռի անձնակազմի վեց անդամներն են։ Huey տիպի ուղղաթիռը վթարի էր ենթարկվել Մինդանաո կղզու Ագուսան դել Սուր նահանգում՝ մարդասիրական օգնության առաքելություն իրականացնելիս։ Զինվորականների խոսքով՝ անձնակազմի բոլոր անդամների մարմինները հայտնաբերվել են, և վթարի պատճառները պարզելու ուղղությամբ տարվում է հետաքննություն։

Աղետի հետևանքով առաջացած ուժեղ անձրևներն ու ջրհեղեղները լուրջ ավերածությունների պատճառ են դարձել երկրի կենտրոնական շրջաններում։

Իշխանությունների տվյալներով՝ ամենածանր հարվածը ստացել է Սեբու նահանգը, որտեղ ընդամենը մեկ օրում տեղացած ռեկորդային տեղումները լայնածավալ ջրհեղեղներ են առաջացրել։ Այստեղ զոհվել է առնվազն 76 մարդ, տասնյակ մարդիկ համարվում են անհետ կորած։ Սեբուի նահանգապետը իրավիճակը որակել է «աննախադեպ և ավերիչ»։ Աղետի գոտուց ընդհանուր առմամբ տարհանվել է մոտ 800,000 մարդ։

Փրկարարական աշխատանքները շարունակվում են, սակայն դրանք խոչընդոտվում են վատ եղանակային պայմանների և ավերված ենթակառուցվածքների պատճառով։

Առաջարկվող հոդվածներ

Մուտք գործեք կամ ստեղծեք անվճար ReOpen Media հաշիվ՝ մեկնաբանություններ տեղադրելու համարԳրանցվել