Ռուսաստանը մեղմացրել է Ուկրաինայից տարածքային պահանջները․ Ֆիդան

Վերջին ամիսներին ՌԴ դիրքորոշումը Ուկրաինայի պատերազմի վերաբերյալ զգալի փոփոխություններ է կրել։ Այս մասին հայտարարել է Թուրքիայի արտգործնախարար Ֆիդանը TGRT թուրքական հեռուստաալիքի եթերում։

Նրա խոսքով՝ Ստամբուլում վերջին բանակցությունների ընթացքում կողմերը ներկայացրել են կոնկրետ դիրքորոշումներ, որոնք հետագայում քննարկվել են Ալյասկայում կայացած գագաթնաժողովում։

Ֆիդանն ընդգծել է, որ Մոսկվան այլևս չի պնդում Ուկրաինայի 4 մարզերի ամբողջ տարածքի նկատմամբ վերահսկողություն հաստատելու վրա։ Ներկայումս քննարկվում է Զապորոժիեում ճակատային գծի պահպանումը և Դոնեցկի մարզի 25-30%-ի ամրագրումը Ռուսաստանի համար, նշել է Ֆիդանը։

«Այն փաստը, որ Մոսկվան համաձայնել է երաշխավորել այդ պայմանները անվտանգության մեխանիզմով, տպավորիչ է։ Սա հիմք է ստեղծում ապագա կարգավորման համար, թեև միաժամանակ բարդ մարտահրավերներ է առաջացնում երկու երկրների, հատկապես Ուկրաինայի համար», - հավելել է թուրք նախարարը։