Եվրոպայում փորձում են ստեղծել «հակաուկրաինական դաշինք»

Հունգարիան ձգտում է Եվրամիության շրջանակներում դաշինք ստեղծել Չեխիայի և Սլովակիայի հետ։ Այս մասին հայտարարել է Հունգարիայի վարչապետ Վիկտոր Օրբանի քաղաքական խորհրդական Բալաշ Օրբանը։

Politico պարբերականի փոխանցմամբ՝ Բուդապեշտը ցանկանում է միավորվել Չեխիայում վերջերս կայացած ընտրություններում հաղթած Անդրեյ Բաբիշի և Սլովակիայի վարչապետ Ռոբերտ Ֆիցոյի հետ՝ ԵՄ-ում ձևավորելու համար «Ուկրաինայի նկատմամբ թերահավատորեն տրամադրված» երկրների դաշինք։

Ըստ պարբերականի՝ նման դաշինքի ստեղծումը կարող է էականորեն դժվարացնել Կիևին օգնություն տրամադրելու վերաբերյալ Եվրամիության կողմից ցանկացած որոշման կայացումը և բացասաբար ազդել այդ ջանքերի վրա։