Եվրահանձնաժողովի ղեկավարը նշել է Ուկրաինայում պատերազմի ավարտի ժամկետը

Եվրահանձնաժողովի ղեկավար Ուրսուլա ֆոն դեր Լայենը ԵՄ երկրներին ուղղված նամակում պահանջել է արագացնել Ուկրաինային 135.7 միլիարդ եվրոյի ֆինանսական օգնության հարցի լուծումը՝ նշելով, որ «ժամանակ գրեթե չի մնացել»։ Նա առաջարկել է երեք հիմնական տարբերակ.

-դրամաշնորհներ անդամ երկրների կողմից,

-ԵՄ կողմից ֆինանսական շուկաներից ներգրավված վարկ,

-Ռուսաստանի սառեցված ակտիվների հետ կապված վարկ։

Ֆոն դեր Լայենի խոսքով՝ այս տարբերակները կարող են համակցվել։ Որոշումը պետք է կայացվի դեկտեմբերի կեսին կայանալիք գագաթնաժողովում, որպեսզի վճարումները սկսվեն 2026 թվականի երկրորդ եռամսյակից։

Հատկանշական է, որ նույն նամակում Եվրահանձնաժողովի ղեկավարը նշել է, որ Ուկրաինայում պատերազմը պետք է ավարտվի հաջորդ տարվա վերջին։