Եվրամիությունը Ռուսաստանի հետ սահմանին «անօդաչուների պատ» կկառուցի

Եվրամիությունը քայլեր է ձեռնարկում իր արևելյան սահմանների անվտանգությունն ուժեղացնելու ուղղությամբ՝ ի պատասխան ռուսական անօդաչու թռչող սարքերի կողմից օդային տարածքի խախտումների աճող դեպքերի։ Այս նպատակով անցկացվել է բարձր մակարդակի առցանց հանդիպում, որը նվիրված է եղել «անօդաչուների պատ» ստեղծելու հավակնոտ նախաձեռնությանը։

Խորհրդակցությունը, որը գլխավորել է պաշտպանության և տիեզերքի հարցերով եվրահանձնակատար Անդրիուս Կուբիլիուսը, միավորել է ԵՄ «առաջնագծում» գտնվող երկրների՝ Բուլղարիայի, Էստոնիայի, Ֆինլանդիայի, Լատվիայի, Լիտվայի, Լեհաստանի և Ռումինիայի պաշտպանության նախարարներին։ Հանդիպմանը, չնայած նախնական հակասական տեղեկություններին, միացել են նաև Հունգարիան և Սլովակիան։

Հատուկ նիստ է անցկացվել Ուկրաինայի պաշտպանության նախարարի հետ, ով ներկայացրել է ռուսական անօդաչուներից պաշտպանվելու Կիևի փորձը»։ ԵՄ-ն փորձելու է օգտագործել Ուկրաինայի գործնական գիտելիքները՝ սեփական պաշտպանական կարողություններն ամրապնդելու համար։

Հանդիպման արդյունքում ԵՄ արևելյան թևի երկրների ղեկավարները համաձայնության են եկել «Eastern Flank Watch» նախաձեռնության շուրջ, որի առանցքում լինելու է հենց «անօդաչուների պատը»։ Այս պաշտպանական նախաձեռնության ճարտարապետությունը ներառում է չորս հիմնական ուղղություն.

ԵՄ-ն ծրագրում է ստեղծել հատուկ գործիք՝ «անօդաչուների պատի» ֆինանսավորումն ապահովելու համար։ Նախատեսվում է, որ այս նախաձեռնությունը մանրամասն կքննարկվի հոկտեմբերին կայանալիք Եվրոպական խորհրդի նիստում։