ԵՄ դիտորդները հանդիպել են Գեղարքունիքի սահմանամերձ գյուղի դպրոցականների հետ

Հայաստանում Եվրոպական միության դիտորդական առաքելության (ԵՄԴԱ) ներկայացուցիչները շարունակում են իրենց հանդիպումները սահմանամերձ համայնքներում՝ տեղի բնակչությանը իրազեկելով իրենց գործունեության մասին։ Այս շրջանակում առաքելության անդամները հոկտեմբերի 27-ին այցելել են Գեղարքունիքի մարզի Վարդենիս համայնքի Շատջրեք գյուղի դպրոց։

Այցի մասին ԵՄ առաքելությունը հայտնել է X-ի իր միկրոբլոգում՝ կիսվելով ջերմ տպավորություններով։ Գրառման համաձայն՝ դպրոց է այցելել ԵՄ առաքելության Մարտունու թիմը, որտեղ նրանց դիմավորել են 35 աշակերտներ։

«Հոկտեմբերի 27-ին ԵՄ առաքելության Մարտունու թիմն այցելեց Շատջրեք գյուղի դպրոց, որտեղ 35 աշակերտ ոգևորությամբ և հետաքրքրասիրությամբ դիմավորել է մեր առաքելության անդամներին», - ասված է գրառման մեջ։

Հանդիպումն անցել է անմիջական մթնոլորտում, գնահատում են Առաքելությունից։

«Առավոտը լի էր քննարկումներով, ժպիտներով և անկեղծ հետաքրքրությամբ, քանի որ աշակերտները ավելին իմացան Հայաստանում ԵՄ առաքելության աշխատանքի և նպատակի մասին»,- եզրափակվում է հաղորդագրությունը։