ԵՄ հատուկ ներկայացուցիչը Բաքվում քննարկել է Նախիջևանի հարցը

Հարավային Կովկասի և Վրաստանի ճգնաժամի հարցերով Եվրամիության հատուկ ներկայացուցիչ Մագդալենա Գրոնոն Բաքվում բարձր մակարդակի խորհրդակցություններ է անցկացրել։ Այդ մասին հայտնում են ադրբեջանական լրատվամիջոցները։ Նա հանդիպում է ունեցել Ադրբեջանի ԱԳ նախարար Ջեյհուն Բայրամովի և այլ պաշտոնյաների հետ։ Հանդիպմանը քննարկվել է ադրբեջանա-հայաստանյան խաղաղության օրակարգը:

«ԵՄ-ն վճռականորեն հանձնառու է համագործակցել Ադրբեջանի և Հայաստանի հետ՝ Վաշինգտոնի հանդիպումից հետո առկա թափը պահպանելու և ապահովելու համար, որպեսզի խաղաղության օգուտները զգացվեն ամբողջ տարածաշրջանում», - հայտնել է Գրոնոն:

Հատուկ ներկայացուցչի խոսքով՝ բանակցությունների հիմնական թեման Նախիջևանն էր, մտքեր են փոխանակվել նաև կապի, տարածաշրջանային համագործակցության և մարդասիրական հարցերի շուրջ։