Էստոնիան 2026-ին Հայաստանում դեսպանատուն կբացի

Էստոնիան բարձր է գնահատում Հայաստանի և Ադրբեջանի միջև խաղաղության գործընթացը, այս մասին հայտարարել է Էստոնիայի արտաքին գործերի նախարար Մարգուս Ցախկնան։

Նա նշել է, որ զանգահարել է ՀՀ արտաքին գործերի նախարար Արարատ Միրզոյանին՝ նրան տեղեկացնելու Էստոնիայի կողմից 2026 թվականին Հայաստանում դեսպանատուն բացելու որոշման մասին։ «Սա կարևոր շրջան է Հայաստանի և Էստոնիայի միջև հարաբերություններում, և այն արտացոլում է, թե որքան սերտորեն են զարգացել երկու երկրների հարաբերությունները վերջին տարիներին», – ընդգծել է Ցախկնան։

Նա նաև ասել է, որ Էստոնիան բարձր է գնահատում Հայաստանի և Ադրբեջանի միջև խաղաղության գործընթացը։

«Մենք կշարունակենք աջակցել Հայաստանին ժողովրդավարական բարեփոխումների առաջխաղացման և Եվրամիության հետ մերձեցման գործում», – հավելել է դիվանագետը։