Էրդողանը կրկին հիշեցրել է Արցախի զավթման գործում իր օգնության մասին

Թուրքիայի նախագահ Ռեջեփ Թայիփ Էրդողանը, Ադրբեջանից վերադառնալու ճանապարհին նախագահական ինքնաթիռում լրագրողների հետ զրույցում, խոսել է Հարավային Կովկասում «հնարավորությունների պատուհանի» մասին և հիշել, թե ինչպես է օգնել իր ադրբեջանցի պաշտոնակից Իլհամ Ալիևին՝ Արցախի զավթման գործում։

Էրդողանը նշել է, որ «ուրախությամբ է ընդունում խաղաղ գործընթացի շրջանակում Հայաստանի և Ադրբեջանի միջև քայլերը» և բազմիցս գոհունակություն է հայտնել կողմերի միջև օգոստոսի 8-ին Վաշինգտոնում ձեռք բերված համաձայնության կապակցությամբ։

«30 տարուց ավելի անկայունությունից հետո Հարավային Կովկասում բացվել է հնարավորությունների պատուհան՝ կայուն խաղաղության և հանգստության համար»,- փոխանցում է Anadolu-ն։ «Խաղաղ գործընթացի ավարտը Ադրբեջանին՝ պատերազմի հաղթողին, շատ արագ կդարձնի նաև տարածաշրջանում խաղաղության ճարտարապետ», — ասել է Էրդողանը։