ԵՄ ընդլայնման հարցերով հանձնակատարը կայցելի Հայաստան

Սեպտեմբերի 19-ին և 20-ին Հայաստան կայցելի ԵՄ ընդլայնման հարցերով հանձնակատար Մարթա Կոսը։ Այս մասին հայտնում է ՀՀ-ում ԵՄ դեսպանատունը։ Այցը տեղի է ունենում Հայաստանի և Ադրբեջանի խաղաղության գործընթացի վճռորոշ փուլում և հնարավորություն կտա ներկայացնելու ԵՄ միջտարածաշրջանային կապակցվածության օրակարգը՝ որպես իրական ներդրում տարածաշրջանային զարգացման գործում:

Հանձնակատար Կոսը կհանդիպի նախագահ Վահագն Խաչատուրյանին, վարչապետ Նիկոլ Փաշինյանին, փոխվարչապետ Մհեր Գրիգորյանին, ինչպես նաև` ներքին գործերի նախարար Արփինե Սարգսյանին։ Նա կմասնակցի Վերակառուցման և զարգացման եվրոպական բանկի հետ երկու ծրագրերի ստորագրման արարողությանը, կայցելի «ԵՄ-ն` Սևանի համար» ծրագիրը (EU4SEVAN) կենսաբազմազանության ծրագրի իրականացվող վայրը և շրջայց կկատարի ԹՈՒՄՈ ստեղծար տեխնոլոգիաների կենտրոնում:

Նշենք, որ այս պահին ԵՄ հանձնակատարը գտնվում է Բաքվում և հանդիպում է ունեցել Իլհամ Ալիևի հետ։ Ադրբեջանի նախագահի հետ ԵՄ բարձրաստիճան ներկայացուցիչը քննարկել է ինչպես երկողմ, այնպես էլ՝ տարածաշրջանային թեմաներ։