Ձերբակալվել են Մեծամորի մանկապարտեզի շինարարները

Ձերբակալվել են Մեծամորի մանկապարտեզում շինաշխատանքներ իրականացրած ընկերությունների ներկայացուցիչներ։

Տեղեկությունը հաստատել են ՀՀ հակակոռուպցիոն կոմիտեից՝ նշելով, որ իրենց մոտ քննվող քրեական վարույթի շրջանակում ձերբակալվել են շինարարական և տեխնիկական հսկողություն իրականացնող ընկերությունների տնօրեններ։

Նրանք մեղադրվում են առանձնապես խոշոր չափերով խարդախություն կատարելու, դրան օժանդակելու, ինչպես նաև կեղծիք կատարելու մեջ։

Նրանցից մեկի նկատմամբ որպես խափանման միջոց է կիրառվել կալանքը, մյուսի նկատմամբ՝ գրավը և տնային կալանքը։