ՀՀ բոլոր դպրոցները կանցնեն ԿԳՄՍՆ ենթակայությանը

Հայաստանի Ազգային ժողովի Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նիստում քննարկվել է օրենքների նախագծերի փաթեթ, որը շրջադարձային փոփոխություն է նախատեսում դպրոցների կառավարման տրամաբանության մեջ։

«Առաջարկվող փոփոխությամբ նախատեսում ենք, որ հանրակրթական ուսումնական հաստատությունները կունենան մեկ լիազոր մարմին՝ ի դեմս կրթության, գիտության, մշակույթի և սպորտի նախարարության: Այդպիսով մեր երկրում բոլոր դպրոցները՝ 1343 հաստատություններ, գործելու են նախարարության լիազորությամբ: Այս փոփոխության անհրաժեշտությունը բխում է կրթության ոլորտում միասնական ստանդարտների սահմանմամբ»,- նշել է ԿԳՄՍ նախարար Ժաննա Անդրեասյանը: