Դոնալդ Թրամփը պետական այցով Մեծ Բրիտանիայում է

ԱՄՆ նախագահ Դոնալդ Թրամփը և նրա կինը՝ Մելանիա Թրամփը, ժամանել են Մեծ Բրիտանիա։ Այս մասին հայտնում է Reuters-ը։

Ամերիկացի առաջնորդը կատարում է իր երկրորդ պետական այցը Բրիտանիա, որի ընթացքում երկու երկրները ներդրումային համաձայնագրեր կկնքեն:

Թրամփը ԱՄՆ-ի և Մեծ Բրիտանիայի հարաբերությունները բնորոշել է որպես բարեկամական և կանխատեսել, որ կունենան հագեցած օր։

Սեպտեմբերի 17-ին Թրամփը Վինձորի ամրոցում կհանդիպի երկրի թագավոր Չառլզ III-ի հետ: