Դոնալդ Թրամփ Կրտսերը գաղտնի հանդիպել է Էրդողանի հետ․ ԶԼՄ-ներ

Թուրքիայի ընդդիմադիր ժողովրդա-հանրապետական կուսակցության նախագահ Օզգյուր Օզելը հայտարարել է, որ Դոնալդ Թրամփ Կրտսերը՝ նախագահ Թրամփի որդին, անցյալ շաբաթ գաղտնի այցելել է Թուրքիա և հանդիպել է Թուրքիայի նախագահ Ռեջեփ Էրդողանի հետ՝ Դոլմաբահչե պալատում Ստամբուլում։

Քաղաքական գործչին հղում անելով՝ այդ մասին գրում է DW-ի թուրքական ծառայությունը: «Նա [Էրդողանը] բանակցություններ է վարել: Նշվել է, որ հանդիպումը «բիզնեսմենի» հետ է, բայց չեն նշել նրա անունը: Պաղեստինը տառապում է, իսկ նրանք Թրամփի որդու հետ համագործակցում են լոբբիստական ընկերությունների միջոցով: Նրանք Պաղեստինին ու մեր պաղեստինցի եղբայրներին ու քույրերին թողնում են Թրամփի կողմնակալության համար», ասել է քաղաքական գործիչը:

Middle East Eye հրատարակության տեղեկություններով՝ ԱՄՆ նախագահի որդին իսկապես հանդիպել է Էրդողանին: Նշվում է, որ կրտսեր Թրամփը Թուրքիա է այցելել ոչ թե միայնակ, այլ գործարարների խմբի հետ:

Հիշեցնենք, որ հրապարակային ելույթներում Էրդողանը մշտապես դեմ է հանդես է գալիս Գազայում Իսրայելի հարձակողական գործողություններին։ Սակայն, հաշվի առնելով ԱՄՆ-Թուրքիա սերտ հարաբերությունները, Էրդողանի ընդդիմախոսները միշտ էլ թերահավատորեն են վերաբերվել այդ ելույթներին։ Թրամփ Կրտսերի այցը Թուրքիա և նրա հանդիպումը Էրդողանի հետ ներկայացնում են որպես հերթական ապացույցը, որ Պաղեստինի հարցում պաշտոնական Անկարայի դիրքորոշումը միանշանակ չէ։