Դանիան վերացնում է գրքերի վաճառքի հարկերը՝ ընթերցանությունը խթանելու համար

Դանիայում յուրաքանչյուր չորրորդ 15-ամյա դեռահասը դժվարությամբ է հասկանում պարզ տեքստը՝ ըստ ՏՀԶԿ-ի (Տնտեսական համագործակցության և զարգացման կազմակերպություն) հետազոտության տվյալների:

Դանիայի կառավարությունը հայտարարել է գրքերի վաճառքի 25 տոկոսանոց հարկը չեղարկելու մտադրության մասին՝ գիրքն ավելի հասանելի դարձնելու համար:

Դանիայի մշակույթի նախարար Յակոբ Էնգել-Շմիդտը հույս է հայտնել, որ այս փոփոխության շնորհիվ խանութների դարակներից ավելի շատ գրքեր կսկսեն վաճառվել: Պլանը պետությանը տարեկան կարժենա մոտ 44 միլիոն եվրո, սակայն Էնգել-Շմիդտը պնդում է, որ սա ներդրում է երկրի մշակութային ապագայի համար:

Հատկանշական է, որ Նորվեգիայում գրքերի վաճառքը չի հարկվում: Ֆինլանդիայում գրքերի հարկը կազմում է 14%, իսկ Շվեդիայում՝ ընդամենը 6%: