Դա թյուրիմացություն է. Փաշինյանը՝ Ղուկասյանի հայտարարության մասին

Ես կարծում եմ, որ ՀՀ ինքնիշխանության դեմ հայտարարություններ անողներին մենք պետք է ուղղակի դուրս շպրտենք քաղաքական և հանրային դաշտից։ Ինչպե՞ս․ քաղաքական մեթոդներով և բոլոր այն մեթոդներով, որոնք կիրառելի են ժողովրդավարական երկրում, և ես համոզված եմ, որ դա տեղի կունենա։

Ընտրությունների արդյունքների հետ կապված էլ մենք խնդիր ունենք, գիտենք, որ այնտեղ ընտրակաշառք է բաժանվել։ Մենք պետք է մեխանիզմներ ունենանք հետագայում նման դեպքերը բացառելու համար։

Կարծում եմ, որ դա թյուրիմացություն է, որ հընթացս կշտկվի․ և՛ երևույթը, և՛ հայտարարությունը, և՛ հեղինակը։ Չի կարող Հայաստանի որևէ, թեկուզ ՏԻՄ պաշտոնյան կասկածի տակ դնի ՀՀ անկախությունը։

Հիշեցնենք, որ թեման Գյումրիի քաղաքապետի հայտարարությանն է վերաբերում։ Նա հայտարարել էր, թե կողմ է, որ Հայաստանը Միութենական պետության կազմ մտնի։ «Թուրքահպատակ շան տղա կասեմ նրան, ով ասի, թե սխալ եմ ասում, որ ՀՀ-ն պիտի ՌԴ-ի հետ միություն կազմի»,- նշել էր Ղուկասյանը։