ՀԱՊԿ զորավարժություններին կմշակվի միջուկային զենքի կիրառում

Օգոստոսի 31-ին Բելառուսում մեկնարկել են Հավաքական անվտանգության պայմանագրի կազմակերպության «Փոխգործակցություն-2025», «Որոնում-2025» և «էշելոն-2025» զորավարժությունները:

Դրանց մասնակցում է ավելի քան 2000 զինվորական Բելառուսից, Ղազախստանից, Ղրղզստանից, Ռուսաստանից և Տաջիկստանից:

Բելառուսի ղեկավար Ալեքսանդր Լուկաշենկոյի անձնական հրամանով՝ զորավարժությունները արևմտյան և հարավային սահմաններից տեղափոխվել են երկրի խորքը:

«Մենք դա գիտակցաբար ենք արել, որպեսզի չլինեն տարբեր տեսակի ակնարկներ, և մեզ չմեղադրեն հնարավոր սադրանքների համար»,- ասել է Բելառուսի ԳՇ պետ Պավել Մուրավեյկոն։

Զորավարժությունները կներառեն միջուկային զենքի կիրառման պլանավորում՝ առանց դրա օգտագործման, հայտնել է Մուրավեյկոն։