Չինաստանում 5,6 մագնիտուդ ուժգնությամբ երկրաշարժ է տեղի ունեցել

Չինաստանի հյուսիս-արևմուտքում գտնվող Գանսու նահանգի Դինգսի քաղաքի Լունսի շրջանում սեպտեմբերի 27-ին 5.6 մագնիտուդ ուժգնությամբ երկրաշարժ է տեղի ունեցել, հաղորդում է «Սինհուա»-ն՝ հղում անելով Չինաստանի սեյսմիկ ցանցերի կենտրոնին:

Դինսիի երկրաշարժերի հրամանատարական կենտրոնի տվյալներով՝ երկրաշարժի հետևանքով վիրավորվել է ինը մարդ, վնասվել է 4328 տուն, իսկ 7812 մարդ տարհանվել է։ Պետական խորհրդի երկրաշարժի հետևանքների մեղմացման գրասենյակը և Արտակարգ իրավիճակների կառավարման նախարարությունը նույնպես նախաձեռնել են IV մակարդակի երկրաշարժի արտակարգ իրավիճակների արձագանք և աշխատանքային խումբ են ուղարկել տուժած տարածքներ՝ տեղական ուժերին աջակցելու համար:

Արտակարգ իրավիճակների կառավարման նախարարության տվյալներով՝ Չինաստանի ազգային ինտեգրված հրշեջ-փրկարարական խմբի փրկարարները ժամանել են երկրաշարժի էպիկենտրոն: Նրանց միացել են նաև տեղի հրշեջ-փրկարարական ուժերը: