Չինաստանում ստեղծվել է մոծակ-դրոն՝ հետախուզությունների համար

2025 թվականի հունիսին Չինաստանի Պաշտպանության տեխնոլոգիաների ազգային համալսարանի (NUDT) ինժեներները հանրությանը ներկայացրին իրենց վերջին նվաճումը՝ միկրոսկոպիկ անօդաչու թռչող սարք, որն իր չափերով և տեսքով գրեթե չի տարբերվում մոծակից։ Այս նորարարությունը, որը համատեղում է կենսաբանական դիզայնն ու առաջադեմ տեխնոլոգիաները, կարող է հեղափոխություն առաջացնել ինչպես ռազմական, այնպես էլ քաղաքացիական ոլորտներում։

Միկրոդրոնի գլխավոր առավելությունը դրա գրեթե աննկատ լինելն է։ Իր չափազանց փոքր չափսերի և անաղմուկ թռիչքի շնորհիվ այն իդեալական գործիք է դառնում պատերազմական գոտիներում հետախուզական տվյալներ հավաքելու համար՝ առանց հակառակորդի կողմից նկատվելու։

«Նման փոքրիկ սարքերը սովորաբար արդյունավետ են ռազմի դաշտում տեղեկատվություն հավաքելու և փոխանցելու համար»,— չինական CCTV հեռուստաալիքին տված հարցազրույցում նշել է համալսարանի ուսանող Լյան Խեսյանը։

Մոծակ-դրոնը հագեցած է բարձր տեխնոլոգիաներով։ Այն կառավարվում է սովորական սմարթֆոնի միջոցով և իր մեջ ներառում է միկրո տեսախցիկ, լսափող, շարժման սենսորներ և կառավարման համակարգեր։ Սարքն ունակ է տեսանկարահանել և ձայնագրել շրջակա միջավայրը՝ հավաքագրված տվյալներն իրական ժամանակում փոխանցելով օպերատորին։

Թռչող սարքի դիզայնը կրկնօրինակում է միջատի. այն թռչելիս թափահարում է թևերը, իսկ երեք բարակ ոտիկները թույլ են տալիս ապահով վայրէջք կատարել ցանկացած մակերեսի վրա՝ էլ ավելի մեծացնելով աննկատ մնալու հավանականությունը։

Ըստ մասնագետների՝ սարքը կարող է կիրառվել նաև այլ նպատակներով՝