Չինաստանը ողջունում է Հայաստանի անդամակցությունը ԵՆԱ բանկին․ Սի Ծինփին

Չինական կողմը ողջունում է Հայաստանի անդամակցությունը Ենթակառուցվածքային ներդրումների ասիական բանկին (ԵՆԱԲ) եւ պատրաստ է խորացնել համագործակցությունը հայկական կողմի հետ ԵՆԱԲ-ի շրջանակներում եւ համատեղ աջակցել ԵՆԱԲ-ին՝ ավելի լավ ծառայելու իր զարգացող անդամների ենթակառուցվածքների շինարարության եւ կայուն զարգացման պահանջներին։

Այս մասին ասել է Չինաստանի նախագահ Սի Ծինփինը Շանհայի համագործակցության կազմակերպության գագաթնաժողովի ընթացքում Նիկոլ Փաշինյանի հետ հանդիպման ժամանակ։