«Չեմ կարող ասել՝ որտեղից է վարկածը». ՓԾ տնօրենը՝ Տիգրանի որոնումների մասին

3-ամյա Տիգրան Օվանեսովի որոնողական աշխատանքները շարունակվում են և՛անտառամերձ տարածքներում, և՛ համայնքի ներսում, և՛ կամրջի մոտ, և՛ Սևանա լճի ափամերձ հատվածներում, սակայն արդյունք դեռևս չկա, Ծափաթաղում լրագրողներին ասել է ՀՀ ՆԳՆ Փրկարար ծառայության տնօրեն Կամո Ցուցուլյանը։ Նա անդրադարձել է նաև 3-ամյա Տիգրան մորեղբոր որդու խոսքերին, թե ընտանիքը կարծում է, որ երեխան կա՛մ մոլորվել է, կա՛մ գողացել են։ «Չեմ կարող ասել՝ որտեղից է հարազատը նման վարկած ասել։ Ոստիկանությունը դիտարկում է բոլոր վարկածները»,- նշել է Փրկարար ծառայության տնօրենը։