Ճապոնիայում ցունամիի հետևանքով կետերը ափ են դուրս եկել

Ճապոնիայում երկրաշարժից հետո ափին դուրս են եկել չորս կետ։ Հսկա կաթնասուններին ափ է նետել Կամչատկայի ափերի մոտ տեղի ունեցած երկրաշարժի արդյունքում առաջացած ցունամիի ալիքը։

Դեպքը տեղի է ունեցել Ճապոնիայի հարավ-արևելքում՝ Տիբա պրեֆեկտուրայի Տատեյամա քաղաքի մոտ։ Նրանց նկարել է տեղաբնակը, որը եկել էր ստուգելու ալիքի բարձրությունը՝ սերֆինգի համար։