Կասպից ծովի մակարդակն իջնում է. նավահանգիստները չեն գործում

Կասպից ծովի ջրի մակարդակը, որը նախկինում կազմում էր 29 մետրից պակաս՝ Բալթյան բարձրությունների համակարգով, այժմ շարունակում է ավելի իջնել։ Այդ մասին հայտարարել է Ադրբեջանի նախագահի՝ կլիմայի հարցերով ներկայացուցիչ Մուխտար Բաբաևը։

«Եթե նախկինում Կասպից ծովով ուղևորատար լաստանավեր էին երթևեկում Ղազախստանի, Ռուսաստանի, Իրանի և Ադրբեջանի միջև, ապա այսօր այդ լաստանավերի շարժը, կարելի է ասել, սահմանափակված է։ Իսկ որոշները ընդհանրապես այլևս չեն գործում, քանի որ նավերը չեն կարողանում մտնել նավահանգիստներ»,- նշել է պաշտոնյան։