Սիդնեյում մեքենան մխրճվել է ՌԴ հյուպատոսության դարպասների մեջ

Անհայտ անձը մեքենայով հարվածել է Սիդնեյում (Ավստրալիա) Ռուսաստանի գլխավոր հյուպատոսության դարպասներին: Նախնական տվյալներով՝ տուժել է ոստիկան։» Այդ մասին գրում է Shot տելեգրամյան ալիքը։

Ոստիկանության աշխատակիցները կանչվել են Ֆուլերտոն փողոցում գտնվող Ռուսաստանի գլխավոր հյուպատոսության շենք, որտեղ տեղի է ունեցել միջադեպը:

Տղամարդը կայանել է մեքենան արգելված վայրում, և երբ ոստիկանները մոտեցել են, նա շարժվել է առաջ և հարվածել հյուպատոսության դարպասներին:

Դրանից հետո 39-ամյա տղամարդը ձերբակալվել է դեպքի վայրում: Տուժել է ոստիկան, նա ձեռքի վնասվածք է ստացել: Ներկայումս տեղի իշխանությունները պարզում են միջադեպի դրդապատճառները: