Ի՞նչ սահմանափակումներ կլինեն Մոսկվայի դեմ․ Bloomberg-ի արտահոսքը

8 ՍԵՊ 2025 09:22

Առաջիկա օրերին Եվրամիության պատվիրակությունը կայցելի ԱՄՆ՝ Մոսկվայի վրա ճնշում գործադրելու նոր միջոցներ համաձայնեցնելու համար: Այդ մասին գրում է Bloomberg-ը՝ հղում անելով իր աղբյուրներին։ Սա կլինի Ռուսաստանի լայնամասշտաբ ներխուժումից ի վեր 19-րդ պատժամիջոցների փաթեթը: Գործակալության տվյալներով՝ քննարկվում են հետևյալ միջոցները.

Ռուսական բանկերի և էներգետիկ ընկերությունների գործունեության սահմանափակում,
Ռուսաստանի վճարային համակարգերի և կրիպտոբորսաների վրա սահմանափակում,
Ռազմական արդյունաբերությունում օգտագործվող ապրանքների և քիմիական նյութերի արտահանման նոր խոչընդոտներ,
Պատժամիջոցներ ռուսական նավթի գնորդների և «ստվերային նավատորմի» տանկերների դեմ,
Հնարավոր է՝ վերացվեն «Ռոսնեֆտ»-ի և «Լուկօյլ»-ի համար մինչ այժմ գործող արտոնությունները և նրանց դեմ ևս կիրառվեն լիակատար պատժամիջոցներ,
«Պատժամիջոցների խուսափման դեմ գործիքների» կիրառում, մասնավորապես՝ Ղազախստանի դեմ, որի միջոցով զանգվածաբար տարբեր սարքավորումներ են մտնում Ռուսաստան,
Վիզաների, նավահանգիստների և նույնիսկ արհեստական բանականության հետ կապված ծառայությունների սահմանափակումներ, եթե դրանք կարող են օգտագործվել ռազմական նպատակներով:

Bloomberg-ը նշում է, որ միջոցառումների վերջնական ցանկը դեռ համաձայնեցվում է:

Թեգեր

Առաջարկվող հոդվածներ

Մուտք գործեք կամ ստեղծեք անվճար ReOpen Media հաշիվ՝ մեկնաբանություններ տեղադրելու համարԳրանցվել