Բաքվի բանտում գտնվող Վիգեն Էուլջեքջյանի ընտանիքը ահազանգում է

Լուսիանա Մինասյանը և Լինդա Էուլջեքջյանը հայտարարություն են տարածել՝ փաստագրելու համար Բաքվի Ումբակի բանտում գտնվող Հայաստանի քաղաքացի Վիգեն Էուլջեքջյանի նկատմամբ հաղորդակցության սահմանափակումները։

1. 2025 թվականի նոյեմբերին պարոն Վիգեն Էուլջեքջյանին թույլ չի տրվել հեռախոսով շփվել իր ընտանիքի հետ։

2. Սույն հայտարարության ամսաթվի դրությամբ՝ նրա կինը՝ Լինդա Էուլջեքջյանը, քառասունհինգ (45) օրից ավելի է, ինչ նրանից որևէ հաղորդագրություն կամ տեղեկություն չի ստացել։ Ընտանիքի բոլոր ջանքերը՝ տեղեկություններ ստանալու նրա վիճակի, բուժման և ինքնազգացողության մասին, անհաջող են անցել, քանի որ Ադրբեջանի իշխանությունները և այլ համապատասխան մարմինները չեն արձագանքել։

3. Կարմիր խաչի միջազգային կոմիտեի (ԿԽՄԿ)՝ կառավարական մարմինների կողմից Ադրբեջանից վտարվելուց հետո, կալանավորված անձինք, ներառյալ պարոն Էուլջեքջյանը, չեն կարողանում ուղարկել և ստանալ մարդասիրական հաղորդագրություններ. գործընթաց, որը նախկինում իրականացվում էր ԿԽՄԿ-ի վերահսկողության ներքո։

4. Կապի լիակատար բացակայությունը, զուգորդված անկախ մարդասիրական մոնիթորինգի բացակայության հետ, լուրջ մտահոգություններ է առաջացնում պարոն Էուլջեքջյանի անվտանգության, նկատմամբ վերաբերմունքի և ընդհանուր բարեկեցության վերաբերյալ։

Սույն հայտարարությունն ուղղված է պաշտոնապես արձանագրելու պարոն Վիգեն Էուլջեքջյանի հետ երկարատև կապի բացակայությունը և շարունակվող մտահոգությունները։ Հարգանքով խնդրում ենք համապատասխան միջազգային դերակատարների և կազմակերպությունների ուշադրությունը և հետագա գործողությունները, մասնավորապես, ասված է հայտարարություն-ահազանգի մեջ։