Խաղաղության պայմանագրի համար Հայաստանը պետք է քայլեր ձեռնարկի. Ամիրբեկով

Վաշինգտոնում նախաստորագրվեց Ադրբեջանի և ՀՀ-ի միջև խաղաղության համաձայնագիրը, որը կարևոր քայլ է երկրների միջև հարաբերությունների կարգավորման ուղղությամբ։ Այդ մասին հայտարարել է հայտարարել է Ալիևի հատուկ հանձնարարությունների գծով ներկայացուցիչ Էլչին Ամիրբեկովը՝ I24 News հեռուստաալիքի ֆրանսիական խմբագրությանը տված հարցազրույցում։

Բաքվի ներկայացուցիչը, միաժամանակ, հիշեցրել է, որ այս փուլում խոսում ենք միայն նախաստորագրման և ոչ թե վերջնական ստորագրման մասին։

«Խաղաղության համաձայնագրի ստորագրման և իրականացման համար հայկական կողմը պետք է կոնկրետ քայլեր ձեռնարկի»,- ասել է Ամիրբեկովը՝ հնչեցնելով Բաքվի հայտնի թեզերն առ այն, թե ՀՀ Սահմանադրությունը դեռևս պարունակում է դրույթներ, որոնք հակասում են Ադրբեջանի ինքնիշխանությանը և տարածքային ամբողջականությանը։