Բալթյան նավատորմը հակադիվերսիոն զորավարժանք է անցկացրել

Ռուսաստանի Դաշնության Բալթյան նավատորմի Լենինգրադի ռազմածովային բազայում անցկացվել են զորավարժություններ, որոնց նպատակն է եղել դիմակայել հնարավոր դիվերսիոն սպառնալիքներին։ Այս մասին հաղորդում է «ՌԻԱ Նովոստի»-ն՝ հղում անելով Բալթյան նավատորմի մամուլի ծառայությունը։

Ըստ պաշտոնական հաղորդագրության՝ պահպանության և պաշտպանության ստորաբաժանումների համալիր մարզումներն իրականացվել են ռազմական ենթակառուցվածքի անվտանգությունն ապահովելու շրջանակներում։

«Միջոցառման նպատակն էր մշակել հակառակորդի պայմանական դիվերսիոն խմբերը հայտնաբերելու, շրջափակելու և չեզոքացնելու գործողությունները»,- ասվում է նավատորմի մամուլի ծառայության տարածած հաղորդագրության մեջ։

Զորավարժությունների ընթացքում հատուկ նշանակության մարտական խմբերը արագորեն տեղափոխվել են պայմանական դիվերսանտների կողմից ենթադրյալ ներխուժման վայր։

«Վարժանքների ընթացքում մանրակրկտորեն մշակվել են ռազմածովային կազմավորման ռազմական ենթակառուցվածքային օբյեկտներ չարտոնված մուտքը արգելափակելու և մարտավարական տեխնիկաները չեզոքացնելու համար», - հավելել են մամուլի ծառայությունից։

Հատուկ ուշադրություն է դարձվել դիվերսիոն խմբերին հակազդելու համար հատուկ միջոցների և մարտավարական հնարքների կիրառմանը։ Բացի այդ, զինծառայողները կատարելագործել են պայմանական տուժածների տարհանման, ինժեներական հետախուզության, ինչպես նաև իրենց պատասխանատվության գոտիներում ճառագայթային և քիմիական հետախուզության իրականացման հմտությունները։