Ազատ արձակված պաղեստինցի բանտարկյալները ժամանել են Ռամալլա

Իսրայելի կողմից ազատ արձակված պաղեստինցի բանտարկյալներին տեղափոխող ավտոբուսները ժամանել են Հորդանան գետի Արևմտյան ափում գտնվող Պաղեստինի վարչական կենտրոն՝ Ռամալլա քաղաք։ Այս մասին հայտնում է Al Jazeera հեռուստաալիքը։

Պաղեստինցի բանտարկյալների հարցերով կոմիտեն իր հերթին հաստատել է, որ ակնկալվում է ընդհանուր առմամբ 1718 անձանց ազատ արձակումը, որոնք ձերբակալվել էին Գազայում՝ 2023 թվականի հոկտեմբերի 7-ից հետո։ Նրանց թվում կա նաև 2 կին։

Բացի այդ, ազատության մեջ կհայտնվեն ևս 250 պաղեստինցիներ, որոնք իսրայելական բանտերում դատապարտված էին ցմահ ազատազրկման։ Այս լայնածավալ փոխանակումը պատանդների ազատ արձակման շուրջ ձեռք բերված համաձայնագրի առանցքային մասն է կազմում։