Ֆուտբոլային հանդիպումն ընդհատվել է՝ դաշտում առաջացած փոսի պատճառով

Ավստրիայի և Կիպրոսի ազգային հավաքականների միջև 2026 թվականի աշխարհի առաջնության ընտրական փուլի հանդիպումն ընդհատվել է ավարտից մոտ 15 րոպե առաջ: Պատճառը եղել է խաղադաշտում առաջացած փոսը: Մոտ 20 սանտիմետր խորությամբ փոսի պատճառով դանիացի մրցավար Յակոբ Կեհլեթը 7 րոպեով կանգնեցրել է խաղը։ Մարզադաշտի աշխատակիցները լցրել են փոսը, որից հետո խաղը շարունակվել է։