Ասադով. TRIPP-ը կփոխի տարածաշրջանի աշխարհատնտեսական քարտեզը

Ադրբեջանի վարչապետ Ալի Ասադովը հայտարարել է, թե Վաշինգտոնում Ադրբեջանի, ԱՄՆ-ի և Հայաստանի ղեկավարների կողմից ստորագրված Համատեղ հռչակագիրը հաստատում է Բաքվի խաղաղ նախաձեռնության նկատմամբ միջազգային լայն աջակցությունը: Նրա խոսքով՝ փաստաթուղթը ոչ միայն ավարտում է տարիներ տևած հակամարտությունը, այլև արտացոլում է Ադրբեջանի քաղաքական և դիվանագիտական ուժը:

Հատուկ ուշադրություն դարձնելով տրանսպորտային և հաղորդակցային ուղիների բացմանը՝ Ասադովը ընդգծել է, որ Ալիևի՝ Նախիջևան տանող անարգել երթևեկության ապահովման պահանջը արտացոլվել է գագաթնաժողովի արդյունքներում: Այդ նպատակով նախատեսված է ԱՄՆ-ի ենթակառուցվածքային նախաձեռնությունը՝ «Թրամփի միջազգային խաղաղության և բարգավաճման ճանապարհ» (TRIPP), որը, Ասադովի խոսքով, կփոխի ոչ միայն Ադրբեջանի տրանսպորտային քարտեզը, այլև ամբողջ տարածաշրջանի տնտեսական և աշխարհաքաղաքական իրավիճակը: