Դատախազությունը Արթուր Սարգսյաին մեղադրում է ահաբեկչություն նախապատրաստելու մեջ

Դատախազությունը միջնորդում է ԱԺ պատգամավոր Արթուր Սարգսյանին քրեական հետապնդման և կալանավորման թույլտվություն տալ՝ ահաբեկչություն նախապատրաստելու մեղադրանքով։

Գլխավոր դատախազ Աննա Վարդապետյանը երկու միջնորդագիր է ուղարկել Ազգային ժողով` պատգամավորների համաձայնությունը ստանալու և ընդդիմադիր «Հայաստան» խմբակցության պատգամավոր Արթուր Սարգսյանի նկատմամբ հանրային քրեական հետապնդում հարուցելու և նրան կալանավորելու համար։

Ըստ դատախազի ՝ կան բավարար ապացույցներ, որ ընդդիմադիր պատգամավորին մեղադրանք առաջադրվի ահաբեկչություն նախապատրաստելու և իշխանությունը յուրացնելու հոդվածներով։