Արցախցի կալանավոր է մահացել «Արմավիր» ՔԿՀ-ում

Երեկ, օգոստոսի 28-ին, Արմավիր ՔԿՀ–ում մահացել է Արցախից բռնի տեղահանված Արտաշես Վարդանյանը, հայտնել է նրա պաշտպան Էրիկ Բեգլարյանը։

«Արտաշես Վարդանյանը երկար ժամանակ բողոքել է իր առողջական վիճակի վատթարացման մասին, սակայն, ցավոք սրտի, նրան չեն տեղափոխել հիվանդանոց՝ պատշաճ բժշկական օգնություն ստանալու նպատակով»,–գրել է պաշտպանը։ Նա դիմել է ՀՀ ՄԻՊ–ին և գլխավոր դատախազին և խնդրել`

Կալանավորված անձը մահացել է հիվանդանոցում, ArmeniaSputnik–ին հայտնել են քրեակատարողական ծառայությունից։

«2025 թվականի օգոստոսի 28-ին՝ ժամը 22։50-ին «Արմավիր» քրեակատարողական հիմնարկում պահվող կալանավորված անձ, 1962թ․ ծնված Ա․Վ․-ի ինքնազգացողության վատթարացման պատճառով կանչվել է շտապօգնություն, որը վերջինիս տեղափոխել է քաղաքացիական բժշկական հաստատություն։ Ժամը 23։58-ին արձանագրվել է Ա․Վ․-ի կենսաբանական մահը»,–հայտնել են քրեակատարողականից։