Արշակ սրբազանը պահանջում է հաստատել ստորագրությունները

Արշակ սրբազանը հայտարարել է, որ իր դիրքորոշումը կհրապարակի միայն այն դեպքում, երբ ծառայության կասեցման պահանջագրի տակ ստորագրած բարձրաստիճան հոգևորականները հաստատեն իրենց ստորագրությունների իսկությունը։

Նա ընդգծել է, որ տվյալ գործընթացը կարգավորվում է բացառապես ներքին ընթացակարգերով և ենթակա չէ հանրային քննարկման։

Անդրադառնալով շրջանառվող տեսանյութերին և փորձաքննություններին՝ սրբազանը չի հաստատել այդ տեղեկությունները՝ հղում անելով իր փաստաբանի արձագանքին։

Արշակ սրբազանը տեղի ունեցողը որակել է որպես Հայ Առաքելական Եկեղեցու և Վեհափառ Հայրապետի դեմ ուղղված արշավի դրսևորում՝ շեշտելով, որ իր դիրքորոշումը մնում է անփոփոխ։