Ռազմական ոստիկանության պաշտոնյան ձերբակալվել է կաշառքի համար

ՊՆ ռազմական ոստիկանության Երևանի ՌՈ բաժնի պետի տեղակալի պաշտոնը զբաղեցրած անձը, իր մտերիմի օժանդակությամբ, պարտադիր զինվորական ծառայությունից տարկետում տրամադրելու կամ զինվորական ծառայությունից ազատող բժշկական կեղծ ախտորոշում ստանալու գործընթացը կազմակերպելու համար զորակոչիկի հորից որպես կաշառք պահանջել և ստացել է 2.970.000 ՀՀ դրամին համարժեք 7500 ԱՄՆ դոլար գումար։ Այդ մասին հայտնում են հակակոռուպցիոն կոմիտեից։

Խոշոր չափերով կաշառք ստանալու համար ՊՆ ՌՈ պաշտոնատար անձին մեղադրանք է ներկայացվել։ Պաշտոնատար անձի նկատմամբ որպես խափանման միջոց է կիրառվել կալանքը: