Հայաստանում կստեղծվի կիբերանվտանգության անկախ մարմին․ Հայրապետյան

Ազգային ժողովի նիստում Հայաստանի բարձր տեխնոլոգիական արդյունաբերության նախարար Մխիթար Հայրապետյանը հայտարարել է կիբերանվտանգության հարցերը լուծող հատուկ անկախ մարմին ստեղծելու անհրաժեշտության մասին։ Նոր մարմինը պետք է ստեղծի խորհրդարանը։ Այն կազմված կլինի հինգ անդամից բաղկացած հանձնաժողովից, որը նույնպես կձևավորի Ազգային ժողովը։ Նախարարը կարծում է, որ հանձնաժողովի աշխատանքին պետք է ներգրավվեն բարձակարգ մասնագետներ և փորձագետներ՝ շատ բարձր որակավորմամբ և կարողություններով։

«Կիբերպաշտպանությունը ազգային անվտանգության սպառնալիքների տեսանկյունից լուրջ բաղադրիչ է»,— նշել է Հայրապետյանը։

Կիբերանվտանգության գծով համապատասխան կառույցներ նախատեսվում է ներդնել պետական կառավարման մարմիններում և մասնավոր հատվածում։ Նախատեսվում է նաև գործարկել կիբերանվտանգության ծառայությունների համակարգը։ «Առաջին փուլում համակարգը նախատեսվում է ներդնել՝ ներգրավելով կրիտիկական ենթակառուցվածքներով ընկերությունների»,- ասել է նախարարը։

Այս օրենսդրական փաթեթի նպատակն է ստեղծել տեղեկատվական համակարգերի և կարևորագույն ենթակառուցվածքների պաշտպանության իրավական շրջանակ։ Դա, ինչպես նշել է նախարարը, ներառում է էներգետիկայի, տրանսպորտի և ֆինանսական ոլորտները։ Այս ոլորտները առաջնահերթ պետք է պաշտպանված լինեն հնարավոր կիբեռհարձակումներից։

Պետական ինքնավար կիբերանվտանգության մարմինը կհետևի, կգնահատի ռիսկերը և կհամակարգի միջադեպերի արձագանքման միջոցառումները: Դրա կարգավորման շրջանակը կներառի կենսական ծառայություններ մատուցելու համար օգտագործվող տեղեկատվական համակարգերի և կարևորագույն տեղեկատվական ենթակառուցվածքների անխափան գործունեությանը, ինչպես նաև մշակված, բաշխված, պահված և փոխանցված տեղեկատվության մատչելիության, ամբողջականության և գաղտնիության ապահովմանը, կիբեր միջադեպերի մասին ծանուցմանը, կանխարգելմանը և լուծմանը, կիբերանվտանգության ծառայություններ մատուցողների պահանջներին և գործող օրենքների պահպանմանը վերաբերող հարցեր:

Օրենսդրական փաթեթը նաև կհստակեցնի կիբերանվտանգության ոլորտում պետական քաղաքականության մշակման համար պատասխանատու մարմնի լիազորությունները։ Մասնավորապես, խոսքը վերաբերում է ՀՀ բարձր տեխնոլոգիական արդյունաբերության նախարարությանը։

Պետական տեղեկատվական համակարգի անվտանգությունն ապահովելու համար ինքնավար մարմնին կհանձնարարվեն պետական տեղեկատվական համակարգերի օգտագործման հնարավորության սահմանափակման, ինչպես նաև տվյալների փոխանակման մակարդակի սահմանափակման գործառույթները։ Այս նպատակներին և խնդիրներին հասնելու համար պետական բյուջեից տարեկան կհատկացվի 4-6 միլիարդ դրամ։

Օրենսդրական նախաձեռնությունը ընդհանուր առմամբ դրական է ընդունվել։ Սակայն ընդդիմադիր պատգամավորները մի շարք կասկածներ են հայտնել։ Մտավախությունները ոչ թե առաջարկի տեխնիկական կողմերի հետ էին կապված, այլ նրա, թե արդյո՞ք գործող իշխանությունը այդ ամենը քաղաքական նպատակներով չի օգտագործի։