Դատախազությունում 33 կադրային փոփոխություն է տեղի ունեցել

ՀՀ գլխավոր դատախազ Աննա Վարդապետյանի՝ 2025 թվականի հուլիս, օգոստոս և սեպտեմբեր ամիսների հրամաններով՝ Դատախազությունում տեղի են ունեցել կադրային մի շարք փոփոխություններ։

Ընդհանուր առմամբ՝ 33 կադրային փոփոխություն է կատարվել՝ կենտրոնական ապարատից մինչև վարչական շրջաններ և մարզեր։

1. Հայկ Հովհաննիսյանը նշանակվել է Գլխավոր դատախազության սահմանադրական կարգի հիմունքների, պետության և հասարակական անվտանգության դեմ ուղղված հանցագործությունների գործերով վարչության պետի պաշտոնին՝ ազատվելով նույն վարչության պետի տեղակալի պաշտոնից:

2. Վահան Հարությունյանը նշանակվել է նույն վարչության պետի տեղակալի պաշտոնին՝ ազատվելով նույն վարչության դատախազի պաշտոնից:

3. Կարեն Իսրայելյանը փոխադրվել է նույն վարչության դատախազի պաշտոնին:

4. Կիմ Հարությունյանը ազատվել է զբաղեցրած պաշտոնից (սահմանադրական կարգի, պետության և հասարակական անվտանգության վարչություն):

5. Արիստակես Բարսեղյանը փոխադրվել է պատիժների և հարկադրանքի այլ միջոցների կիրառման օրինականության նկատմամբ հսկողության վարչության ավագ դատախազի պաշտոնին:

6. Հայկ Մովսեսյանը փոխադրվել է նույն վարչության դատախազի պաշտոնին:

7. Գարեգին Իսախանյանը փոխադրվել է Կապանի կայազորի զինվորական դատախազի տեղակալի պաշտոնին:

8. Արսեն Կոստանյանը նշանակվել է ՀՀ հակակոռուպցիոն կոմիտեում նախադատական վարույթի օրինականության նկատմամբ հսկողության վարչության դատախազի պաշտոնին՝ ազատվելով Երևանի Ավան և Նոր Նորք վարչական շրջանների դատախազի պաշտոնից:

9. Արտաշես Հարությունյանը ազատվել է ապօրինի ծագում ունեցող գույքի բռնագանձման գործերով վարչության դատախազի պաշտոնից:

10. Տաթևիկ Մարտիրոսյանը ազատվել է նույն վարչության դատախազի պաշտոնից:

11. Հայկ Ավետյանը նշանակվել է Երևանի քաղաքային դատախազության ավագ դատախազի պաշտոնին՝ ազատվելով նույն դատախազի պաշտոնից:

12. Էլեն Անանյանը նշանակվել է Արաբկիր և Քանաքեռ-Զեյթուն վարչական շրջանների ավագ դատախազի պաշտոնին՝ ազատվելով նույն շրջանների դատախազի պաշտոնից:

13. Խալուհի Մովսիսյանը նշանակվել է Կենտրոն և Նորք-Մարաշ վարչական շրջանների ավագ դատախազի պաշտոնին՝ ազատվելով նույն շրջանների դատախազի պաշտոնից:

14. Նարեկ Թոփուզյանը փոխադրվել է Աջափնյակ և Դավթաշեն վարչական շրջանների ավագ դատախազի պաշտոնին:

15. Դավիթ Բադալյանը նշանակվել է Ավան և Նոր Նորք վարչական շրջանների դատախազի պաշտոնին:

16. Վահե Գասպարյանը նշանակվել է նույն վարչական շրջանների դատախազի պաշտոնին:

17. Ռազմիկ Մինասյանը նշանակվել է նույն վարչական շրջանների դատախազի պաշտոնին:

18. Արտյոմ Բադալյանը նշանակվել է Շենգավիթ վարչական շրջանի ավագ դատախազի պաշտոնին՝ ազատվելով նույն շրջանի դատախազի պաշտոնից:

19. Լիանա Քոչարյանը նշանակվել է Էրեբունի և Նուբարաշեն վարչական շրջանների ավագ դատախազի պաշտոնին՝ ազատվելով նույն շրջանների դատախազի պաշտոնից:

20. Նարեկ Աբրահամյանը փոխադրվել է Կենտրոն և Նորք-Մարաշ վարչական շրջանների դատախազի պաշտոնին:

21. Օֆելյա Սիրեկանյանը փոխադրվել է Ավան և Նոր Նորք վարչական շրջանների դատախազի պաշտոնին:

22. Արա Դավթյանը փոխադրվել է Արարատի մարզի դատախազի պաշտոնին:

23. Վարդան Արսենյանը փոխադրվել է Արաբկիր և Քանաքեռ-Զեյթուն վարչական շրջանների ավագ դատախազի պաշտոնին:

24. Նորայր Հարությունյանը նշանակվել է Արագածոտնի մարզի դատախազի պաշտոնին:

25. Դավիթ Խաչատրյանը նշանակվել է Տավուշի մարզի դատախազի պաշտոնին:

26. Արամ Խաչատրյանը փոխադրվել է Շիրակի մարզի ավագ դատախազի պաշտոնին:

27. Սևադա Սարգսյանն ազատվել է զբաղեցրած պաշտոնից (Գեղարքունիքի մարզ):

28. Նշան Մաթևոսյանն ազատվել է զբաղեցրած պաշտոնից (Արմավիրի մարզ):

29. Վահե Ռաֆայելյանը ազատվել է Հայաստանի Հանրապետության զինվորական դատախազի տեղակալի պաշտոնից:

30. Արշակ Մարտիրոսյանը փոխադրվել է Երևանի կայազորի զինվորական դատախազի պաշտոնին:

31. Գևորգ Խալաթյանը փոխադրվել է Լոռու կայազորի զինվորական դատախազի պաշտոնին:

32. Արման Ապրեսյանը փոխադրվել է Կապանի կայազորի զինվորական դատախազի պաշտոնին:

33. Ավագ Հարությունյանը նշանակվել է Սիսիանի կայազորի զինվորական դատախազության դատախազի պաշտոնին: