Հայաստանն ու Իրանը կստեղծեն պարզեցված մաքսային միջանցք․ ՊԵԿ նախագահ

Հայաստանն ու Իրանը մտադիր են ստեղծել պարզեցված մաքսային միջանցք, որը կնպաստի երկու երկրների միջև առևտրաշրջանառության դյուրացմանը։ Այս մասին հայտնել է ՀՀ պետական եկամուտների կոմիտեի նախագահ Էդուարդ Հակոբյանը։

Նրա խոսքով՝ ներկայումս կողմերը համապատասխան համաձայնագրի կնքման շուրջ ակտիվ բանակցություններ են վարում, որոնք նախատեսվում է ավարտին հասցնել առաջիկայում։

Միևնույն ժամանակ, Հակոբյանը նշել է, որ Հայաստանը նաև ընդլայնում է համագործակցությունը ԱՄՆ-ի հետ՝ մաքսային համակարգի արդիականացման նպատակով։

«Ակտիվորեն առաջ է մղվում համագործակցությունը ԱՄՆ-ի հետ՝ մաքսային համակարգի համար սարքավորումների ձեռքբերման, ինչպես նաև մոնիթորինգի որոշ համակարգերի ներդրման ուղղությամբ», - ընդգծել է ՊԵԿ նախագահը։