Եվրամիությունն ընդունել է վիզաների ազատականացման ծրագրի առաջարկը

Եվրոպական հանձնաժողովն ընդունել է մուտքի արտոնագրերի ազատականացման գործողությունների ծրագրի առաջարկը, և երբ պայմանները կատարվեն, գործընթացն ավարտին հասցվի, այն ավելի մոտ կդարձնի միմյանց Եվրամիությունը և Հայաստանը։

ՀՀ ԱԳ նախարար Արարատ Միրզոյանի հետ ասուլիսին այդ մասին հայտարարել է ԵՄ բարձր ներկայացուցիչ Կայա Կալասը։

«Մեր հարաբերություններում առանցքային տեղ են զբաղեցնում ժողովուրդ-ժողովուրդ շփումները: Ահա թե ինչու ենք զարգացնում մուտքի արտոնագրերի ազատականացման երկխոսությունը», նշել է Կալասը։