ՀՀ տարածքում չի կարող լինել Արեւմտյան Ադրբեջան․ Փաշինյան

Վարչապետ Նիկոլ Փաշինյանը մայրաքաղաքում ընթացող «Երեւանյան երկխոսության» համաժողովին հայտարարել է, որ խաղաղության պայմանագրի ստորագրումը լուծում է բոլոր հնարավոր խնդիրները Հայաստանի եւ Ադրբեջանի միջեւ։ Նա հիշեցրել է, որ Երեւանը եւ Բաքուն համաձայնեցրել են խաղաղության պայմանագրի տեքստը ինքը  պատրաստ է ստորագրել փաստաթուղթը։

Վարչապետը հիշեցրել է, որ Բաքուն խաղաղության պայմանագրի ստորագրումը կապում է երկու հարցի հետ, որոնցից մեկը բանակցային հարթակ ծառայելու համար ստեղծված  ԵԱՀԿ Մինսկի խմբի լուծարումն է։ Փաշինյանը նշել է, որ Մինսկի խմբի լուծարումը հայկական կողմի համար ընդունելի է, բայց պետք է վստահ լինել, որ Հայաստանն ու Ադրբեջանը նույն կերպ են ընկալում իրավիճակը, որ իրենց նպատակը հակամարտությունը Հայաստանի տարածք տեղափոխելը չէ։

Փաշինյանն ավելացրել է, որ Երեւանն առաջարկում է ստորագրել միանգամից երկու փաստաթուղթ՝ խաղաղության պայմանագիր եւ դիմել ԵԱՀԿ-ին՝ Մինսկի խումբը լուծարելու առաջարկով։