Արցախի ԱԺ-ն կոչ է անում ԵԱՀԿ-ին ապահովել արցախահայության անվտանգ վերադարձը

Հակամարտությունը չի կարող լուծված համարվել, քանի դեռ մի ողջ ժողովուրդ մնում է արմատախիլ արված, զրկված իր անօտարելի իրավունքներից։ Այդ մասին ասված է Արցախի ԱԺ-ն տարածած դիմում-կոչի մեջ, որը նա հղել է ԵԱՀԿ մասնակից պետություններին․

«Կոչ ենք անում Ձեզ գործել ԵԱՀԿ հիմնադիր սկզբունքներին և միջազգային իրավունքի պարտավորություններին համապատասխան։

Մենք շարունակում ենք պատրաստկամ լինել կառուցողականորեն համագործակցել ԵԱՀԿ-ի և անդամ պետությունների հետ՝ արդար և կայուն լուծում գտնելու և մեր ժողովրդի անվտանգ, խաղաղ և արժանապատիվ վերադարձը հայրենիք ապահովելու համար։

Մեր ապագան և մեր գոյատևումը կախված է Ձեր այսօրվա գործողություններից»,-մասնավորապես նշել են Արցախի խորհրդարանականները։