ՔՊ-ն արտահերթ ընտրությունների չի պատրաստվում․ Ա․ Հարությունյան

Արտահերթ ընտրությունների չենք գնա, եթե աշխարհացունց իրադարձություն չլինի, լրագրողների հետ զրույցում հայտարարել է ՀՀ վարչապետի աշխատակազմի ղեկավար Արայիկ Հարությունյանը։

«Մենք ունենք գործընկերներ, որոնք խոսում են արտահերթի մասին։ Բայց մենք գնահատել ենք, որ դրա կարիքը չկա։ Գնում ենք հերթական ընտրությունների։ Խնդրում եմ ավելորդ ինտրիգներ չփնտրել»,- նշել է Արայիկ Հարությունյանը։

Լրագրողները հարցի արդիականությունը հիմնավորում են նրանով, որ ՔՊ-ն նախընտրական շտաբ է ձևավորել, շտաբի ղեկավար ու անդամներ ընտրել։ Այդ փաստը Արայիկ Հարությունյանը հաստատեց՝ ժխտելով, որ դա կապ ունի արտահերթ ընտրությունների պատրաստվելու հեռանկարի հետ։